Në vitin 1998 Organizata Jo-Qeveritare italiane CEFA, në bazë të një marrëveshje me Qeverinë Shqiptare, themeloi përmes projekteve të zhvillimit një gamë shërbimesh sociale në qytetin e Elbasanit. Stafi i punonjësve socialë, të cilët punuan për zbatimin e këtyre projekteve ,u trajnuan me qëllim që të fitonin kompetencat e duhura për të siguruar dhe ofruar në të ardhmen këto shërbime në mënyrë autonome.

Nga fundi i vitit 2001,një grup punonjësish filluan punën për themelimin e një shoqate jo-fitimprurëse shqiptare dhe në 20 Shkurt 2002, u krijua shoqata Tjeter Vizion. Shoqata mori aprovimin e Gjykatës së Tiranës në 8 Prill 2002. Duke filluar nga Maji 2002 dhe aktualisht, Tjeter Vizion ofron shërbime për target grupet në nevojë në qytetin e Elbasanit.

Origjinën tonë

Misione ynë

"Ofrimi i shërbimeve cilësore në fushën sociale, bujqësore dhe shëndetësore për kategoritë në nevojë të shoqërisë me qëllim përmirësimin e jetës së tyre dhe të të gjithë komunitetit"

Vlerat tona

Veprimi ynë bazohet në parimet e barazisë gjinore, mosdiskriminimit, solidaritetit, lirisë, jo dhunës dhe demokracisë. Ne besojmë se nëse secili prej nesh bën pjesën e tij, shoqëria jonë do të jetë më e mirë, më e hapur, gjithëpërfshirëse dhe e aftë për t'i garantuar të gjithëve një shans për t'u përmbushur.